पार्टीलिसे लिक्क जूगु हुनिं एमालेयात समर्थन : भट्टराई

एकीकृत नेकपा (माओवादी)या न्वकु डा. बाबुराम भट्टराईं पार्टीलिसे लिक्क जूगु हुनिं प्रधानमन्त्रीया निंतिं एमालेयात समर्थन यानाःगु धयादीगु दु ।

काठमाण्डौ विश्वविद्यालयसं ग्वसाः ग्वःगु प्रगतिशील प्राविधिक विद्यार्थी संगठनया निक्वःगु राष्ट्रिय भेलाया मंनलवा: उलेज्या यानादिसें भट्टराईं थःगु नेतृत्वय् सरकार दयेकेगु अवस्था मदयेवं एमालेयात समर्थन यानाःगु बिचाः प्वंकादीगु खः ।

यथास्थितिवादीतय्सं माओवादी नेतृत्वया सरकार दयेके मब्यूगु धयादिसें वय्कलं थःगु ब्यागलं मतबारे हथाय् चायेमज्यूगु बिचाः प्वंकादिल ।