माओवादीं आन्दोलन अझ तच्वयेकीगु

माआवादीया पोलिटब्यूरो दुजःतय्सं राष्ट्रपतिं थःगु पलाः लितः मकाःतल्ले आन्दोलन अझ तच्वयेकाः यंकेगु निर्णय याःगु दु ।

बिहिवाः ख्वपय् च्वंगु पोलिटब्यूरो दुजःतय् बैठकय् पोलिटब्यूरो दुजःतय्सं राष्ट्रपतिं नागरिक सर्वोच्चता कायम मयातल्ले सरकारय् ब्वति कायेगुया छुं अर्थ मदइगु सुझाव ब्यूगु ख: । राष्ट्रपतिं नागरिक सर्वोच्चताया उल्लंघन याःगु व उकीयात भिंकेमाःगु माग यासें माओवादीं सतक व सदनं शान्तिपूर्ण संघर्ष यानाच्वनीगु निर्णय बैठकय् जूगु खँ माओवादी प्रवक्त दिनानाथ शर्मां धयादिल । वयेकलं आन्दोलन अझ तच्वयेकेगु निर्णय जूगु नं धयादिल ।

थौंया बैठकय् दक्व दुजःतय्सं थःगु बीचाः प्वंकेगु ज्या मसिधःगुलिं बैठक कन्हय् हाकनं च्वनीगु जूगु दु । थौं झिन्याम्ह दुजःतय्सं देशय् विकसित न्हूगु घटनाक्रमया बारे थःथःगु बीचाः प्वंकूगु खः ।