विदेशमन्त्री वइगु

येँ (सन्ध्या टाइम्स)/नेपालय् वामपन्थी गठबन्धनया सरकार गठन जुइवं चकित जूम्ह भारतं न्हूगु सरकारलिसे वार्ता याकेगु लागिं याकनं हे थः विदेशमन्त्रीयात नेपाः छ्वया हइगु जूगु दु। थ्वहे वइगु फागुनय् भारतीय विदेशमन्त्री एसएम कृष्णायात नेपाः छ्वया हयेगु तयारी यानाच्वंगु दु। नेपालय् न्हूम्ह प्रधानमन्त्री झलनाथ खनालयात माओवादीं प्रयोग यायेफुगु खँयात ध्यानय् तयाः भारतं वार्ताया लागिं विदेशमन्त्री नेपाः छ्वाय हयेत्यंगु खः धाःगु दु ।