न्हूम्ह प्रम थौं वालुवाटार दुहां वनीगु
येँ (सन्ध्या टाइम्स)/न्हूम्ह प्रधानमन्त्री झलनाथ खनाल थौं डल्लुया थःगु छेँ त्वःताः प्रधानमन्त्री क्वाटर वालुवाटार झाइगु जूगु दु। वय्कः थौं सनिलया ३ बजे वालुवाटार प्रवेश जुइगु 'साइत' दु। वालुवाटार प्रवेश जुइबलय् प्रधानमन्त्रीतय्सं अन खसी स्यानाः बलि बीगु चलन दु। वय्कः वालुवाटारय् च्वनादीम्ह नेपाःया ३४ औं प्रधानमन्त्री खः ।
निवर्तमान प्रधानमन्त्री माधव नेपालं म्हिगः हे वालुवाटार त्वःतादीगु दु। भाजु नेपाल म्हिगः वालुवाटार त्वःताः थःगु पुलांगु हे छेँ कोटेश्वरय् झाःगु खः ।
