ख्वपय् ईसासया कविता गोष्ठी

ख्वप (सन्ध्या टाइम्स)/ईन्द्रेणी सांस्कृतिक समाज, ख्वपया ग्वसालय् समसामयिक कविता गोष्ठी जुल। नेवाः जनसांस्कृतिक मंकाः गुथिया नायः लिसें माओवादी सभासद दिलीप महर्जनं थःगु हे छपु कविता ब्वनाः उगु गोष्ठीया उलेज्या यानादीगु खः। गोष्ठीइ पूर्ण बैद्य, माधव मूल, त्रिरत्न शाक्य, शौरभ शाक्य, रोशनकुमार राजभण्डारी, डि.वि. ढकाल, शैलेन्द्र घिमिरे 'राजन', रश्मि नापित, विकास महर्जन, राजाराम राउत, शाक्य सुरेन, पुष्प मुनंकःमि, ईश्वर जोशी, ज्ञान बहादुर महर्जन, श्रीकृष्ण कुम्पाख, सुमा श्रेष्ठ, शिवजी सैजु, केशव सिलवालपिसं कविता पाठ यानादीगु खः। ज्वलय् वंगु झिगूगु ईसास तःमुँज्याय् ग्वाहालि याःगु थीथी खलः पुचः व व्यक्तियात मूपाहां महर्जनं मतिनाया चिं लःल्हानादीगु खः। भाजु महर्जनं थज्याःगु जनचेतनामूलक साहित्यिक व सांस्कृतिक ज्याझ्वःयात त्वाःत्वालय् यंकेमाःगु बिचाः प्वंकादिल। ज्याझ्वः ईसास ख्वपया संयोजक तुल्सीभक्त सुवालया सभापतित्वय् जूगु खः ।