अनिलकुमार निलम्बित
येँ (सन्ध्या टाइम्स)/पार्टी तछ्यानाः न्हूगु सरकारय् सामेल जुइगु कुतः यानाच्वंगु धइगु द्वपं बिसें नेपाल सद्भावना पार्टी (आनन्दीदेवी) या महासचिव अनिलकुमार झायात पार्टीया साधारण सदस्यतां निलम्बन याःगु दु। पार्टी संसदीय दलया सचेतक समेत जुयाच्वंम्ह झायात पार्टीया बहुमत सभासद् ज्वनाः मेगु हे पार्टी दयेकेगु कुतः यानाच्वंगु धइगु द्वपं बिसें पार्टी अध्यक्ष राजेन्द्र महतों निलम्बन यानागु खँ धाःगु दु। वय्कःयात निदँ तका निलम्बन यानाः छानविन यायेगु व वय्कं पार्टी तछ्यायेत्यंगु पुष्टि जुल धाःसा कारवाही यायेगु जुइ धाःगु दु ।
