किपू महोत्सव क्वचाल

किपू (सन्ध्या टाइम्स)/किपुली न्ह्यानाच्वंगु किपू महोत्सव म्हिगः तःजिक क्वचाल। महोत्सव न्यान्हु तक न्ह्याःगु खः। किपूया गुगुं छगू थाय् जक केन्द्रित मयास मुक्कं देय् हे चाःहिलेगु कथं उगु महोत्सवया आयोजना याःगु खः। महोत्सवय् किपूया नेवाःतय्सं थःपिनि संस्कृति, रहनसहन, नसात्वँसा, कला आदि पूर्ण रुपं हे पिने तयाः ब्वय हःगु खः। महोत्सव अतिकं ताःलाक क्वचाःगु खँ ग्वसाः खलकं धाःगु दु ।