न्हय्गू बुँदे सहमितलय् माओवादी व एमालेया छगू हे बिचाः

नेकपा (एमाले)या नायः झलनाथ खनाल प्रधानमन्त्री जुइ न्ह्यः माओवादी व एमाले दथुइ जूगु न्हय्गू बुँदे सहमति प्रति निगूलिं दलं थःपिं प्रतिबद्ध जूगु धाःगु दु ।

न्हय्गू बुँदे सहमति प्रति निगूलिं दलं थःथःगु ढंगं व्याख्या यायेगु सुरु जुइवं सोमवाः एमाले संसदीय दलया ज्याकूथी निगू दलया शीर्ष नेतातय् मुँज्या च्वंगु खः । निगू दलया मुँज्याय् नेतातय्सं उगु सहमति प्रति थःपिनि छगू हे बिचाः दुगु खँ धाःगु दु ।

मुँजया लिपा माओवादी नायः पुष्पकमल दाहाल 'प्रचण्डं' न्हय्गू बुँदे सहमतिया स्पिरिट कथं निगू दल न्ह्याः वनेत सहमत जूगु धासें थीथी संचार माध्यमं न्हय्गू बुँदे सहमतिया बारे गलत प्रचार याःगु धयादिल ।

माओवादी व एमाले दथुइ सेना समायोजन, सरकार गठन लगायतया विषयसं न्हय्गू बुँदे सहमति जूगु खः ।