निवर्तमान प्रम नेपालया अन्तिम वक्तब्य
येँ (सन्ध्या टाइम्स)/निर्वतमान प्रधानमन्त्री माधवकुमार नेपालं थःगु कार्यकाल चुनौतिपूर्ण इलय् शान्ति प्रक्रियाया ठोस ज्या जूगु न्ह्यथँसें आः आपसी सहमतिइ ल्यंदुगु ज्या व न्हूगु संविधान निर्माणया आधार तयार जुइ धकाः विश्वास यानादीगु दु ।
नेपालं थःगु बहिर्गमनया झ्वलय् थौं प्रधानमन्त्रीया हैसियतं अन्तिम प्रेस विज्ञप्ति जारी यासें थ्व खँ धयादीगु खः। ल्यंदुगु कार्यभार पूरा यायेगु दिशाय् न्हूम्ह प्रधानमन्त्री झलनाथ खनाल ताःलायेमा धकाः सफलताया कामना नं यानादीगु दु। वय्कलं माओवादीया म्हो उमेरया लडाकुतय्त शिविरं पित हयेगु व ल्यं दुपिं लडाकुतय्त विशेष समिति मातहत हयाः समायोजन व पुनर्स्थापनाया आधारत तयार यानागु खँ न्ह्यथनादीगु दु ।
