धनकुटा बन्दं जनजीवन प्रभावित
येँ (सन्ध्या टाइम्स)/किपा नापंया मतदाता परिचयपत्र बीगु ज्या दिकेमाःगु नापं लिम्बुवान स्वायत्त राज्य सुनिश्चित जुइमाःगु माग यासें थौं निन्हु नं धनकुटा बन्द याःगुलिं अनया जनजीवन प्रभावित जूगु दु ।
संघीय लिम्बुवान राज्य परिषदं बन्द आह्वान याःगुलिं अनया तेह्रथुम, संखुवासभा व भोजपुरय् तकं यातायात ठप्प जूगु दु।
प्रहरीं दमन याःगुलिं परिषदं अरुण पूर्वया गुंगू जिल्ला तकं बन्द आह्वान याःगु दु। म्हिगः नं धनकुटा बन्दया झ्वलय् प्रदर्शनकारीतय्सं बन्दया अवज्ञा यात धकाः को. १ ख २८५० नम्बरया माइक्रोबस च्याका बिउगु खः। अथे बस च्याकूपिं धकाः प्रहरीं न्याम्ह प्रदर्शनकारीतय्त ज्वंगु दुसा इमित तत्काल त्वःतेमाः धकाः परिषदं माग याःगु दु ।
