'थ्वं नं निकास बी मखु'
येँ (सन्ध्या टाइम्स)/नेपाली कांग्रेसया केन्द्रीय सदस्य अर्जुननरसिंह केसीं माओवादी व एमालेया गठबन्धनं मुलुकयात निकास बी फइगु अवस्था मदु धयादीगु दु। वय्कलं आःया गठबन्धनयात नाटकीय संज्ञा बियादिसें न्हय्गू बुँदाया सम्झौता व शान्ति सम्झौताया विश्वासघात यात धकाः नं धयादिल। प्रेस युनियन कास्कीं थौं सुथय् याःगु पत्रकार भेटघाट ज्याझ्वलय् न्ववासें नेता केसीं माओवादी व एमालेया गोप्य सम्झौतां समग्र शान्ति प्रकृयायात हे धरापय् लाकल धकाः नं धयादिल ।
