परिषद् न्हापांखुसी बाखं गोष्ठि
येँ (सन्ध्या टाइम्स)/नेपालभाषा परिषद्या ग्वसालय् थौं न्हापांखुसी बाखं ज्यासः सहलह मुँज्या जुल। परिषद्या थःगु हे छेँ न्यत तुंछेँगल्लिइ जूगु मुँज्या परिषद्या नायः फणिन्द्ररत्न वज्राचार्यया सभापतित्वय् जूगु खः ।
परिषद्या दुजः नविन चित्रकारं बाखं विधा गथे जुइमाः धइगु खँयात कयाः प्रशिक्षण बियादीगु खः। उगु मुँज्याय् मिसापिं बाखं च्वमिपिंत विशेष महत्व बियाः स्तरीय बाखं च्वमिंपिं उत्पादन यायेमाःगु खँय् सहभागितय्सं बिचाः प्वंकादीगु खः।
मुँज्याय् नेपालभाषाया न्हूपिं व पुलांपिं बाखं च्वमिपिं यानाः स्वीम्हं स्वयां अप्वः च्वमिपिनिगु सहभागिता दुगु खः ।
