माओवादी नेतृत्वया सरकार गठन जुइमखु : सिटौला

नेपाली कांग्रेसया केन्द्रय दुजः एवं पुल्हाम्ह गृहमन्त्री कृष्ण प्रसाद सिटौलां आःया न्हूगु सरकार माओवादीया नेतृत्वय् गठन जुइमफइगु खँ धयादीगु दु ।

बिहिवाः येँय् जूगु छगू ज्याझ्वलय् नेता सिटौलां माओवादी अध्यक्ष पुष्पकमल दाहाल प्रचण्डं माओवादी नेतृत्वया हे सरकार गठन जुइ धकाः बियादीगु अभिव्यक्ति अर्थहीन जूगु टिप्पणी यानादिल ।

वयेकलं प्रचण्डं नेतृत्व या:गु सरकारं नागरिक सार्वोच्चता कायम यायेमफुगु द्वपं बियादिसें राष्ट्रपतिया पलाखं देशय् तःधंगू दुर्घटना जुइगु पाखें बचे जूगु धयादिल । सिटौलां माओवादी एकदलीय सर्वसत्तावादी मखु धकाः पुष्टि यायेत हाथ्याः बियादिल ।