माओवादी मजदुर संगठन तज्यात
ताः ई निसें विवाद जुयाच्वंगु एनेकपा (माओवादी)या मजदुर संगठन थौं अन्ततः तज्याःगु दु । अखिल नेपाल ट्रेड युनियन महासंघया नायः शालिकराम जम्मरकटेल प्रति असन्तुष्टि प्वंकूसें महासंघया न्वकू बद्री बजगाईं थःगु कजिसुइ अखिल नेपाल क्रान्तिकारी ट्रेड युनियम महासंघ गठन याःगु दु ।
आइतवाः येँय् छगू पत्रकार सम्मेलन यानाः बजगाई पक्षधरतय्सं जम्म्कटेलं संगठनयात अनियमित ढंगं न्ह्याकूगु धासें संगठनयात पुनः गठन जक यानागु धाःगु दु । पत्रकार सम्मेलनय् बजागाईं मजुदरतय् क्रान्तिकारी धारयात कायम यायेत संगठनयात पुनः गठन यानागु धयादिल ।
संगठनयात जम्मकटेल पक्षधरं एकलौटी ढंगं न्ह्याकूगु, आर्थिक अनियमितता याःगु व परिवारवाद हावी याःगुलिं नायः सहित छुंछुं नेतातय्त संगठनं बिदा बियागु दावी याःगु दु । वय्कलं माघ १८ व १९ गते येँय् जूगु न्याक्वःगु राष्ट्रिय सम्मेलनं थुगु निर्णय याःगु धयादिल ।
जम्मरकटेल माओवादी नायः पुष्पकमल दाहाल 'प्रचण्ड' पक्षधर याम्ह खःसा बजगाई वरिष्ठ न्वकू मोहन वैद्य 'किरण' पक्षधर याम्ह नेता खः ।
