झिन्हुन्यंकया भारत भ्रमण लिपा राष्ट्रपति यादव येँय्

राष्ट्रपति डा. रामवरण यादव झिन्हुन्यंकया भारत भ्रमण क्वचायेकाः थौं येँय् थ्यंकादीगु दु । कोलकाता मेडिकल कलेजया बुन्हिया लसताय् जूगु ज्याझ्वलय् ब्वति कोयत राष्ट्रपति यादव भारत भ्रमण झायादीगु खः ।

शनिवाः न्हिनसिया ३ बजे येँय् थ्यंकादीम्ह राष्ट्रपतियात उपराष्ट्रपति परमानन्द झा, प्रधानमन्त्री माधवकुमार नेपाल, सभामुख सुभाषचन्द्र नेम्वाङ लगयात उच्च अधिकारीत त्रिभुवन विमानस्थलय् थ्यंकाः लसकुस यानादीगु खः ।

राष्ट्रपति यादवं भारतय् थः समकक्षी प्रतिभा पाटिल, प्रधानमन्त्री मनमोहन सिंह लगायत उच्च सरकारी अधिकारीतय्त नापलाना खँल्हाबंला यानादीगु खः ।