बुद्धमार्गीतय्त रोजगारी चूलाकेगु ग्वसाः

येँसन्ध्या टाइम्स÷थुगुसी बुद्ध जयन्तीया न्हिनिसें नेपाःया बुद्ध धर्मया अनुयायीतय् िनंितं छगू न्हूगु सेवा शुरु याइगु जूगु दु । बुद्ध सूचना केन्द्रपाखें न्ह्याकेत्यंगु थ्व न्हूगु सेवाय् खास यानाः स्वताजिया ज्या जुइगु खँ धाःगु दु । बुद्ध धर्म सम्बन्धी सफू मुंकेगु व छम्हं मेम्हेसित चूलाकाः बौद्ध साहित्यया अध्ययन ज्याझ्वःयात न्ह्यःने यंकेगु सुं नं बेरोजगारत दुसा वयात काउ_िन्स¨ यायेगु व सीप स्यनाः अथवा गनं आवश्यक दुसा मालाः रोजगारी चूलाकेगु व सुं नं तःधंगु ल्वचं कयाच्वंगु दुसा वयात माःगु सल्लाह बियाः निरोगी जुइत ग्वाहालि यायेगु खँ धाःगु दु ।

आःयात आरम्भया रुपय् जक न्ह्याकागु थ्व ज्या यदि ताःलाना वन धाःसा बौद्धमार्गीतय्त

रोजगारी सम्बन्धी सीपमुलक तालिम बीगु ज्याखँ नं न्ह्याका यंकेगु खँ धाःगु दु ।

थज्याःगु सेवा बौद्धमार्गीतय्त जक उपलब्ध यायेगु धाःसां जातं बौद्ध जूिपंत जक चूलाकेगु धाःसा मखु धाःगु दु । बुद्ध धर्म प्रति आस्था तईपं न्ह्याम्ह हे मनूयात नं थ्व सेवा चूलाकेगु खँ धाःगु दु । आःयात थ्व सेवा बीगु ज्याकू कालोपुलय् चायेकातःगु दु । न्ह्याबलें बुद्ध पुजा व परित्राण जक यानाः बुद्ध जयन्ती न्यायेकेगु परम्परायात त्वाःथलाः थुगुसी व्यावहारिक जुयाः बुद्ध जयन्ती न्यायेकेगु झ्वलय् थुकथंया पलाः ल्ह्वनेत्यनागु खँ संस्थां धाःगु

दु ।