मधेशवादी नेता व व्यापारी अथेहे : गुप्ता
मधेशी जनअधिकार फोरमया ल्यू नायः जयप्रकास प्रसाद गुप्तां मधेशवादी नेतात व व्यपारीत अथेहे जूगु द्वपं बियादीगु दु ।
येँय् थौं जूगु छगू साक्षात्कार ज्याझ्वलय् नेता गुप्तां मधेशी नेतातय् भूमिका व्यापारी स्वयां छुं फरक जुइ मफुगु धासें नेतातय्सं मधेशीतय् नांमय् सत्ता प्राप्त यायेगु ज्या जक यानाच्वंगु धयादिल । वय्कलं मधेशवादी दलत सरकारय् वंसाः ध्यबा, पद व शान बाहेक छुं प्राप्त यायेमफइगु नं धयादिल ।
अथेहे वय्कलं झलनाथ खनाल नेतृत्वया सरकारं झिन्यान्हुया दुने शान्ति व संविधानया आधार सुनिश्चित मयासाः झिंखुन्हु निसें थुगु सरकारया विकल्प मालेगु ज्या जुइगु ठोकुवा यानादिल । वय्कलं शान्ति प्रक्रियाया दकलय् थाकूगु ज्या धइगु सेना समायोजनया मोडालिटि व समायोजन जुइगु लडाकुया ल्याः जूगुलिं थुकिया बारे याकनं सहमति मजूसां वइगु जेठ १४ गते दुने नं न्हूगु संविधान निर्माण जुइ मफइगु धयादिल ।
