नेपाल बालुवाटार त्वःतुसें, खनाल दुहांवनीगु

निवर्तमान प्रधानमन्त्री माधवकुमार नेपालं शनिबाः सरकारी निवास बालुवाटार त्वःतीगु जूगु दु । आइतबाः खनालया शपथ ग्रहण दुगुलिं नेपाल कन्हय् शनिवाः बालुवाटार त्वःतेगु मनशायसं थ्यंगु खः । सरकारय् ब्वति दुगु दलया नेता, मन्त्रीत व कर्मचारीतय्त वय्कलं थौं बालुवाटारय् भ्वय्या नं ग्वसाः ग्वयादीगु दु ।

नेपालं थौं सनिलय् थीथी मन्त्रालयया छ्याञ्जे, राष्ट्रिय योजना आयोगया पदाधिकारी लिसे सुरक्षा निकायया प्रमुखतलिसे विदाइकथं नापलानाः दीगु दु । नापलाये ज्याय् वय्कलं थःगु कार्यकालय् ग्वाहालि याःपिं फुक्कसित सुभाय् नापं बियादिल । वंगु दा जेठ ९ गतेनिसें वय्कः प्रधानमन्त्रीया सरकारी निबास बालुवाटारय् च्वनाः वयाच्वंगु खः ।