विमान न्यायेगु बैना धेबा लित बिइगु

फ्रान्सया विमान कम्पनी एयरबसं जहाज न्यायेगु बापतया बैना धेबा नेपाल वायु सेवा निगमयात लित बिइगु जूगु दु । एयरबसं बैना धेबा लित बिइत निगमलिसे याकनं आधिकारिक बैंक खाता नम्बर माग याःगु दु । निगमया कार्यकारी नायःया नामय् पौ छ्वयाः एयरबसं बैना बापतया फुक्क धेबा न्यागू करोड न्हय्स्वंगू लख तका लित बीगु जानकारी ब्यूगु खः

सार्बजनिक खरिद ऐन अःखः सञ्चालक समितिया निर्णयविना विमान न्यायेत बैना धेबा बियाः भ्रष्टाचार याःगु धासें अख्तियार दुरुपयोग अनुसन्धान आयोगं निगमया कार्यकारी नायः सुगतरत्न कंसाकारविरुद्ध विशेष अदालतय् मुद्दा दायर याःगु दु ।