भाषासेवी रविप्रसाद श्रेष्ठ मंत

येँ (सन्ध्या टाइम्स)/नेपालभाषाया कार्यकर्ता भाजु रविप्रसाद श्रेष्ठ वंगु विहीवाः मंत। वय्कः ५५ दँ दुम्ह खः। मदुम्ह भाजु श्रेष्ठं नेपालभाषाय् 'मिफुति' बाखं सफू प्रकाशन यानादीगु खः। वय्कः ल्हुतिइ च्वंगु तिमिला खलःया संस्थापक छ्यांज्ये नं
खः। वय्कलं मुनासःपाखें याइगु नेपालभाषा ख्यालः कासाय् कलाकार जुयाः म्हिताः सिरपाः त्याकादीगु दुसा स्वाः पुचःया छधाः प्याखनय् नं म्हितादीगु दु। मदुम्ह श्रेष्ठया कलाः लिसें निम्ह कायपिं दी ।