नेवानिया बैना दां लिहां वइगु जुल
येँ (सन्ध्या टाइम्स)/नेपाल वायुसेवा निगमं फ्रान्सया एअरबस कम्पनीपाखें जहाज न्यायेगु धकाः बैना बियाछ्वःगु दां उगु कम्पनीं नेपाःयात तुं लित बीगु जूगु दु। निगमं एअरबस कम्पनीयात ५ करोड ७३ लाख तका दां बैना कथं बियाछ्वःगु खःसा अथे दां बियाछ्वःगु भ्रष्टाचार जुल धासें निगमया कार्यकारी अध्यक्ष सुगतरत्न कंसाकार विरुद्ध अख्तियारं मुद्दा दायर याःगु खः।दां बैना बियाछ्वःगु भ्रष्टाचार जुल धकाः मुद्दा लाःगु जूगुलिं एअरबस कम्पनीं बैना हे लित बीगु निर्णय याःगु खः। एअरबसं उगु दां छु खाताय् छ्वया हये धकाः न्यना हःगु दुसा आः निगमं दां लित कायेगु लागिं तयारी यानाच्वंगु खँ सूत्रं धाःगु दु। थ्व बैना लित बिल कि न्हूगु प्रक्रियां विमान न्यायेबलय् आः २० करोड अप्वः पुले मालीगु खँ धाःगु दु ।
