फेस बुकं 'नेवारी' लिकात
येँ (सन्ध्या टाइम्स)/अन्तर्राष्ट्रिय सामाजिक संजाल फेसबुकं आः 'नेवारी' धइगु खँग्वः चीका छ्वःगु दु। नेवाः भाय् ल्हाइपिनिगु मांभाय् 'नेपालभाषा' खः, 'नेवारी' धकाः ताः ई न्ह्यवंनिसें धायेगु याना वयाच्वंगु खःसां मनूतय्सं 'नेवारी' हे च्वयेगु याना हःगु कारणं फेसबुकं आः नेवारीया पलेसा नेपालभाषा छ्यलेगु ज्या याःगु दु। आः फेस बुक छ्यलीपिं मनूतय्सं गनं नं 'नेवारी' धइगु खँग्वः छ्यल धाःसा फेस बुकं उकियात थःथम्हं हे 'नेपालभाषा' धकाः कन्भर्ट याना बी ।
