थौं तामाङतय् न्हूदँ

येँ (सन्ध्या टाइम्स)/स्वनिगःया चाकःहिक च्वनाच्वंपिं आदिवासी तामाङतय्गु न्हूदँ ल्होछार थौं तःजिक हनाच्वंगु दु। स्वनिगलय् वयाच्वंपिं तामाङतय्सं थौं तिंख्यलय् तःजिक महोत्सवया रुपय् ल्होछार हनाच्वंगु दु। अथे हे गांगामय् च्वंपिंसं नं ल्होछार नखः हनाच्वंगु दुसा विश्वन्यंकंया तामाङतय्सं नं थौं हे ल्होछार नखः हनी। थुगुसी '२८४७ क्वःगु ह्योइ ल्होछार राष्ट्रिय पर्वया रुपय् हने नु, पूर्ण अधिकार नापंया अखण्डित ताम्सालिङ स्थापना याये नु' धइगु मू नारा थ्वयेकाः नखः हनाच्वंगु खः। थुगुसी धुँ दँ फुनाः खराचा दँ क्यनी ।