सहिदया लुमंतिइ श्रद्धाञ्जलि सभा
यल (सन्ध्या टाइम्स)/सहिद स्मारक समिति केन्द्रीय समितिया ग्वसालय् यलया कात्ति दबुली वि.सं. १९९९ सालया सहिदपिनि लुमंतिइ छगू श्रद्धाञ्जली सभा जुल। ज्याझ्वलय् त्रिविविया पुलांम्ह उपकुलपति प्रा. डा. कमलकृष्ण जोशीं सहिदया म्हग्स पूवंकेगु ज्याय् देय्या नेतात सुं हे न्ह्यचिला मच्वंगु खँ कनादिल ।
सहिद स्मारक समितिया अध्यक्ष प्रकाशधर शर्माया सभापतित्वय् जूगु उगु ज्याझ्वलय् डा. योगी विकासानन्दं सहिदया अवमूल्यन जुयाच्वंगु खँ कुलादिल। ज्याझ्वलय् सहिद स्मारक समितिया महासचिव दुर्गाबहादुर श्रेष्ठ, राजनीतिज्ञ दीर्घराज प्रसाइँ लगायतया वक्तातय्सं न्ववानादीगु खः ।
