नेपाःएसीसी कपया सेमीफाइनलय्
येँ (सन्ध्या टाइम्स)/नेपाः एसीसी एलाइट कप अण्डर १९ क्रिकेटया सेमीफाइनलय् दुहां वनेत सफल जूगु दु ।
थाइल्याण्डय् न्ह्यानाच्वंगु थुगु कासाया स्वंगूगु चरणय् नेपालं थः प्रतिद्वन्द्वी अफगानिस्तानयात खुगू विकेटं बुकाः सेमीफाइनलय् दुहां वंगु खः। लिसें थःगु समुह चरणया कासाय् नेपाः छगू कासा म्हिते ल्यं दनिबलय् हे सेमीफाइनलय् दुहां वंगु खः ।
कासाय् नेपालं टस त्याकूगु खःसां अफगानिस्तानय् ब्याटिङया निंतिं ब्वंगु खः। अफगानी टीम ४३ दशमलव ३ ओभरय् सछि व नीन्यागू रन दयेकाः अलआउट जूगु खः। लिसलय् नेपालं २६ दशमलव ३ ओभरय् थःगु लक्ष्य पूरा याःगु खः। नेपाःया निंतिं दकलय् अप्वः ४१ रनया नट आउट योगदान बिउगु खः ।
अफगानी टीमया बुकेगु निंतिं अविनाश कर्णं स्वंगू, प्रदीप ऐरी व राहुल विकं निगू निगू विकेट काःगु खः।
नेपालं आः समुह चरण लिपांगु कासा ग्वसाः देय् थाइल्याण्ड नापं म्हिती ।
