कांग्रेस प्रतिपक्षय् च्वनी : कोइराला

नेपाली कांग्रेसया सभापति सुशील कोइरालां कांग्रेस झलनाथ खनाल नेतृत्वया सरकार मवंसें प्रतिपक्षय् च्वनीगु खँ धयादीगु दु ।

प्रेस युनियन कास्कीं थौं पोखराय् याःगु पत्रकार नापलाय् ज्याय् सभापति कोइरालां कांग्रेस प्रतिपक्षय् च्वनाः शान्ति व संविधान निर्माण यायेत ग्वाहालि यायेगु धयादिल । वय्कलं खनाल नेतृत्वया सरकारं याइगु ज्याया आधारय् समर्थन यायेगु वा विरोध यायेगु धकाः निर्णय कांग्रेस) याइगु नं धयादिल ।

संसदय् म्हिग जूगु चुनावी लिच्वः पाखें थः आश्चर्यय् मलाःगु धयादिसें वय्कलं माओवादीं थःगु नेतृत्व सम्भव मखनेवं एमालेयात ग्वाहालि याइगु खँ थःपिंसं न्हापा हे स्यूगु धयादिल । वय्कलं माओवादी व एमाले मिलेजुयाः सर्वसत्तावाद लादे यायेत स्वसाः उकि लिच्वः बांमलाइगु ख्याच्वः नं बियादिल ।