परिषदय् बाखं गोष्ठी

येँ (सन्ध्या टाइम्स)/नेपालभाषा परिषद्पाखें कन्हय् शुक्रवाः परिषदया थःगु हे ज्याकुथी बाखं गोष्ठी याइगु जूगु दु। तःदँ न्ह्यःनिसें बाखं लगायत थीथी साहित्यिक ज्याझ्वः मजुयाच्वंगु खँयात ध्यानय् तयाः परिषदं थुगु गोष्ठी यायेत्यंगु खँ परिषदया दुजः नवीन चित्रकारं कनादिल। न्हूपिं बाखं च्वमिपिंत मुंकाः कन्हय् न्हिनसिया १२:३० बजे उगु गोष्ठीइ न्ह्याइ। परिषदया नायः फणिन्द्ररत्न बज्राचार्यया सभापतित्वय् जुइगु उगु गोष्ठीइ बाखंया सैद्धान्तिक पक्षबारे नवीन चित्रकारं न्ह्यब्वयादीगु ज्याझ्वः दु ।