पौडेल व गच्छेदार बिजुक्छेया छेँय्
ख्वप (सन्ध्या टाइम्स)/व्यवस्थापिका संसदय् थौं जुइगु प्रधानमन्त्री चुनावय् थःपिंत भोट कुर्केत इनाप यायेगु झ्वलय् नेपाली कांग्रेसया उम्मेदवार रामचन्द्र पौडेल व मधेसी जनअधिकार फोरम लोकतान्त्रिकया उम्मेदवार विजयकुमार गच्छेदारं नेपाल मजदुर किसान पार्टीया अध्यक्ष नारायणमान बिजुक्छेयात नापलाःगु दु। निम्हं हे उम्मेदवारत थौं सुथय् ख्वपय् वय्कःया छेँय् हे वनाः नापलाःगु खः।
नापलानाः भोट फ्वंगु इलय् नेमकिपाया अध्यक्ष बिजुक्छें थःगु पार्टीया बैठक च्वनाः माःगु कथं खँ क्वःछीगु जुइ धकाः लिसः बियादीगु खँ सीदुगु दु। नेमकिपाया न्याम्ह सांसदत दुसा उगु पार्टीं न्हापाया चुनावय् एकीकृत माओवादीया अध्यक्ष प्रचण्डयात मतदान याःगु खः ।
