प्रचण्ड व खनाल दथुइ वार्ता
येँ (सन्ध्या टाइम्स)/थौं व्यवस्थापिका संसदय् जुइगु प्रधानमन्त्री चुनावया नितिं भोट फ्वनेगु झ्वलय् स्वयं उम्मेदवार जुयादीपिं नेतातय्सं उम्मेदवार जूपिं मेपिं नेतातय्त नापलानाः समर्थन कायेगु कुतः याःगु दु ।
थौं सुथय् प्रधानमन्त्रीया उम्मेदवारपिं एकीकृत माओवादीया अध्यक्ष प्रचण्ड व एमालेया अध्यक्ष झलनाथ खनाल दथुइ वार्ता जूगु दु। प्रचण्ड निवास नयाँबजारय् जूगु उगु वार्ताय् छम्हेस्यां मेम्हेसित थःथःगु निंतिं भोट बीत इनाप यानादीगु खः ।
चुनाव जुइ न्ह्यः थौं हे छम्ह उम्मेदवारं मेम्ह उम्मेदवारयाके भोट फ्वनेगु ज्या याःगुलिं मनूत अजूचाःगु दु ।
