एमालेया मेम्ह नेतायात नं थप्पड
येँ (सन्ध्या टाइम्स)/नेकपा (एमाले) अध्यक्ष झलनाथ खनाल धुंकाः आः मेम्ह नेतायात नं न्यतालय् मुइकूगु दु। एमाले पोलिटब्युरो दुजः लिसें गण्डकी अञ्चल संयोजक खगराज अधिकारीयात गोरखाया पार्टी ज्याकू न्ह्यःने एमालेया हे छम्ह कार्यकर्तां न्यतालय् दाःगु खः। गोरखाय् जूगु पार्टीया प्रशिक्षण ज्याझ्वः लिपा पार्टी ज्याकू निरीक्षण याः वःम्ह नेता अधिकारीयात छम्ह कार्यकर्तां न्यतालय् निथु दाःगु खः। दाःम्ह कार्यकर्ताया नां धाःसा पित बिउगु मदुनि। मेपिंसं पनेवं तिनि वं दायेगु त्वःतूगु खँ धाःगु दु ।
