सोलुखुम्बुइ न्हूगु पदमार्ग दयेकेत सहलह
येँ (सन्ध्या टाइम्स)/सोलुखुम्बु जिल्लाया च्वय्या लागा जक पर्यटकीय ल्याखं विकास जुयाच्वंगुली आः क्वय्या सोलु लागाय् नं पर्यटन विकास यायेगु लागिं स्थानीय मनूतय् ग्वाहालि कयाः ट्रेकिङ्ग एजेन्ट एसोसियन नेपाल (टान) पाखें न्हूगु टेकिङ्ग रुटया विकास याइगु जूगु दु। थुकिया बारे म्हिगः येँय् टानया उपाध्यक्ष बच्चुकुमार श्रेष्ठया अध्यक्षताय् च्वंगु सहलह ज्याझ्वलय् पुलांगु पदमार्गय् थीथी कथंया समस्यात वयाच्वंगु कारणं न्हून्हूगु पदमार्ग विकास यायेमाःगु बिचाः पिहां वःगु खः। थ्व न्हूगु रुटय् खोटाङ्ग जिल्लाया नांजाःगु तीर्थस्थल मारातिका हलेसिया यात्रा लिसें खोटाङ्गया हे ऐंसेलुखर्क, सोलुखुम्बुया कुरिमा, धर्म पिक आदि लागा लाइ ।
