संसदय् निर्वाचन सुरू

व्यवस्थापिका संसदय् प्रधानमन्त्रीया निंतिं निर्वाचन जुयाच्वंगु दु । प्रधानमन्त्रीया निंतिं नेपाली कांग्रेसया संसदीय नेता रामचन्द्र पौडेल, नेपाली एमालेया नायः झलनाथ खनाल व मधेशी जनअधिकार फोरम लोकतान्त्रिकया नायः विजयकुमार गच्छदार प्रधानमन्त्रीया निंतिं मौदानय् दु । थ्वस्वयां न्ह्यः एनेकपा माओवादीया नायः पुष्पकमल दाहाल प्रचण्डं प्रधानमन्त्रीया निंतिं दर्ता याःगु प्रधानमन्त्रीया उम्मेदवारी लितकायेवं स्वम्ह नेतात दथुइ मतदान जूगु खः ।

माओवादीं प्रधानमन्त्रीया उम्मेदवारी लितकयाः एमाले नायःयात मतदान यायेगु निर्णय यायेवं एमाले नायः झलनाथ खनाल प्रधानमन्त्री जुइगु निश्चित जूगु दु । मधेशी जनअधिकार फोरमं धाःसा सुयात मतदान यायेगु निर्णय यायेमफेवं मतदान प्रक्रिया बहिष्कार याःगु दु ।