प्रचण्डपाखें ग्वाहालि यायेत इनाप
एकिकृत नेकपा माओवादीया नायः पुष्पकमल दाहाल प्रचण्डं मधेसी जनअधिकार फोरमया नायः उपेन्द्र यादवयात नापलानाः कन्हय् जुइगु प्रधानमन्त्री पदया चुनावय् थःत ग्वाहालि यायेत इनाप यानादिल ।
नापलानाः खँल्हाबँल्हा यायेगु झ्वलय् नायः प्रचण्डं थथे इनाप याःसां उपेन्द्र यादवं धाःसा मधेशी मोर्चाय् सहलह यानाः लिसः बीगु खँ धयादिल । वय्कलं मधेशया मुद्दायात सुनां सम्बोधन याइ वयात ग्वाहालि यायेगु जुइ धकाः धयादिल ।
थ्वहे झ्वलय् नायः प्रचण्डयात चिचीधंगु न्हय्गू दलतय्सं प्रधानमन्त्री पदया लागि थःपिनिगु मत बीगु जूगु दु ।
नेकपा एकिकृत, नेपाः राष्ट्रिय पार्टी, नेकपा माले (समाजवादी), जनमुक्ति पार्टी, सद्भावना आनन्ददेवीया सरीता गिरीया पुचः, संघीय लोकतान्त्रिक मंच व नेपाली जनता दलं प्रचण्डया पक्षय् मत बीत्यंगु खः ।
व्यवस्थापिका संसदय् न्हय्गू दलया मुक्कं १४ म्ह सभासदत दु ।
