सशस्त्रया एआइजी श्रेष्ठयात कारवाही
सशस्त्रया अतिरिक्त प्रहरी महानिरिक्षक (एआइजी) ठाकुरमोहन श्रेष्ठयात नसहित बियाः कारवाही याःगु दु । सशस्त्र प्रहरी बलं श्रेष्ठं पदया दुरुपयोग यानाः संगठया मर्यादाय् लिच्वः लाकीगु ज्या याःगु धासें कारवाही याःगु खः । सुरक्षा बलया अधिकृतय्त नसिहत बियाः कारवाही यायेगुयात कडा कारवाही याःगु कथं कायेगु या ।
कारवाही याये न्ह्यः श्रेष्ठ नाप निक्वः तक गृह मन्त्रालयं स्पष्टिकरण काःगु खः । स्पष्टिकरण लिपा सशस्त्र बलया मुख्यालयं श्रेष्ठयात विभागीय कारवाहीया माग यासें गृह मन्त्रालययात पौ छ्वःगु खः ।
गृह मन्त्रालयलय् पौ छ्वयेधुंकाः सशस्त्र बलं नं हानं निक्वः तक श्रेष्ठ नाप स्पष्टिकरण काःगु खः । सशस्त्र बलं काःगु स्पष्टिकरणया झ्वलय् श्रेष्ठं चित्त बुझेजुइ कथं लिसः मब्यूगु व थःगु अपराध झन् सुस्केत स्वःगु धासें वय्कःयात कारवाही याःगु खः ।
