मि तयाः जूगु ल्वापुइ ४ करोड क्षति

ख्वपसन्ध्या टाइम्स÷ ख्वपय् प्यन्हु न्ह्यः जूगु तोडफोड व मि तयेगु घटनाय् लानाः प्यंगू करोड तका बराबरया धनमाल क्षति जूगु अनुमान दु । म्हिगः सुथय् च्वंगु ट्रक व्यवसायी संघया बैठकं उगु क्षति सम्बन्धित मनूतपाखें हे पुइकेगु वा उमित म्हसीकाः उलि हे बराबरया सजायँ बीगु निर्णय नं याःगु दु । अथे याये मफुतलेया िनंितं बन्द व हडताल

जारी यायेगु नं क्वःछिउगु दु । निर्दोष मजदूरतय्त दाःगु व घटनाय् छुं हे ल्हाः मदुिपं मनूतय् ट्रक व ज्याकू च्याकेगु ज्यायात ट्रक व्यवसायी संघं गम्भीर रुपं काःगु दु । बैठकं क्षति- पूर्ति मबिउतले आन्दोलन यायेगु क्वःछिउगु दु ।

बिडोल लागाय् जूगु ल्वापुइ स्थानीय भट्टा साहु नापं लँय् वयाच्वंिपं व बुँइ छ्व लयाच्वंिपं मनूत तकं बांमलाक घाःपाः जूगु खः । गुिलं घाइतेत आः नं भक्तपु्र अस्पतालय् वासः याकातःगु दनि । छम्ह साइकल चालकयात ट्रकं क्यःगु विवाद तच्वया वनाः अन्तिमय् कÏर्यु तक हे तयेमाःगु अवस्था पिहां वःगु खः । उकी आक्रोशित मनूतपाखें आपालं गाडीइ मि तयेगु व तोडफोड समेत यायेगु ज्या नं जूगु खः।