२१ क्वःगु आरोहणया तयारी

येँ (सन्ध्या टाइम्स)/२० क्वः तक सगरमाथाया सफल आरोहण यानाः विश्व कीर्तिमान तयातःम्ह आप्पा शेर्पा आः २१ क्वःगुखुसी आरोहण यायेत नेपाः वयेत्यंगु दु। थौंकन्हय् अमेरिकाया उताहा प्रान्तय् च्वनाच्वंम्ह ५१ दँ दुम्ह शेर्पा थुगु सिजनय् आरोहण यायेत नेपाः वयेत्यंगु खँ धाःगु दु। आप्पां थगुने पर्यटन वर्षया प्रचार यायेगु लागिं २० क्वःगु सगरमाथा आरोहण यानादीगु खः। आः थ्वहे पर्यटन वर्षयात पूर्णता बीत २१ क्वःगु आरोहण यायेमाःगु महसुस यानाः वय्कः नेपाः वयेत्यंगु खँ धाःगु दु। भाजु आप्पा थम्हं नं थौंकन्हय् पर्यटन व्यवसाय संचालन यानाच्वंगु दु ।