चाबहिली मोटरसाइकल दुर्घटनाय् छम्ह सित

येँ (सन्ध्या टाइम्स)/येँया चाबहिली थौं सुथय् मोटरसाइकल दुर्घटनाय् लानाः छम्ह मंत। मेडिकेयर अस्पताल न्ह्यःने नम्बर सीके मफुनिगु मोटरसाईकलं ठक्कर नकाः बा ३७ प ६७५९ नम्बरया मोटरसाइकल चले यानाः वयाच्वंम्ह हेटौंडाय् छेँ जुयाः येँया बाँसबारी च्वनीम्ह २५ दँया पङ्कज शाह सीगु खः। दुर्घटनाय् लानाः घाःपाः जूम्ह शाह अस्पतालय् वासः याकुयाकुं थौं सुथय् मदुगु खः ।