कांग्रेसया उम्मेदवार हाकनं पौडेल
येँ (सन्ध्या टाइम्स)/नेपाली कांग्रेसं व्यवस्थापिका संसदय् कन्हय् जुइगु प्रधानमन्त्रीया निर्वाचनय् संसदीय दलया नेता रामचन्द्र पौडेलयात उम्मेदवार दयेकेगु निर्णय याःगु दु। थौं सुथय् पार्टी मू ज्याकू सोनपाय् च्वंगु केन्द्रीय समितिया बैठकं पौडेलयात हे उम्मेदवार दयेकेगु निर्णय याःगु खः ।
बैठकय् थ्व स्वयां न्ह्यः झिंखुक्वः तक जूगु प्रधानमन्त्रीया निर्वाचनय् बुम्ह पौडेलयात हे प्रधानमन्त्री दयेकूगु खँय् असन्तुष्टि प्वंकुसे थुकिं सरकारया नेतृत्व यायेगु ह्वःताः कांग्रेसं छखे लाकेमालीगु ख्याच्वः देउवा पक्षं बिउगु दु।
केन्द्रीय समितिया बैठकं याःगु निर्णययात थौ हे च्वनीगु कांग्रेस संसदीय दलया बैठकं अनुमोदन याइगु पार्टी स्रोतं जानकारी बिउगु दु ।
