खनालया पक्षय् मतदान यायेत एमालेया ह्विप
येँ (सन्ध्या टाइम्स)/व्यवस्थापिका संसदय् कन्हय् जुइगु प्रधानमन्त्रीया निर्वाचनय् थःगु पार्टीया उम्मेदवार झलनाथ खनालया पक्षय् मतदान यायेत नेकपा (एमालें) थः सभासद्पिंत निर्देशन बिउगु दु। पार्टी संसदीय दलया ज्याकू सिंहदरबारय् थौं सुथय् च्वंगु बैठकय् सभासदया थुकथंया निर्देशन बिउगु खः ।
नापं खनालया पक्षय् बहुमत खाकेगु निंतिं संविधानसभाय् प्रतिनिधित्व यानाच्वंगु मेमेगु दलत नाप नं थौं न्हिछियंकं औपचारिक व अनौपचारिक सहलह यायेगु प्रमुख सचेतक भीमप्रसाद आचार्यं संचारकर्मितय्त जानकारी बियादीगु दु ।
