कांग्रेस केन्दीय समितिया बैठक न्ह्यानाच्वन
येँ (सन्ध्या टाइम्स)/ प्रधानमन्त्रीया उम्मेदवारी ल्ययेत नेपाली कांग्रेस केन्द्रीय समितिया बैठक पार्टी मू ज्याकू सानेपाय् च्वंच्वंगु दु। कांग्रेस केन्द्रीय समितिया उगु मुँज्यां कन्हय् व्यवस्थापिका संसदय् जुइगु प्रधानमन्त्री निर्वाचनया निंतिं उम्मेदवार क्वःछी ।
आः जुइगु प्रधानमन्त्रीया निंतिं नेपाली कांग्रेस संसदीय दलया नेता रामचन्द्र पौडेल व वरिष्ठ नेता शेरबहादुर देउवां दाबी याना वयाच्वंगु दु। केन्द्रीय समितिया बैठक स्वयां न्ह्यः प्रधानमन्त्रीया उम्मेदवारी दाबीया विषयय् सभापति सुशील कोइराला, संसदीय दलया नेता पौडेल, वरिष्ठ नेता देउबा दथुइ अनौपचारिक वार्ता जूगु खः ।
