सेनापति प्रकरणय् देय् दबूया ध्यान

येँ सन्ध्या टाइम्स÷ प्रधानसेनापति रुक्मांगद कटवालयात सरकारं याःगु कारवाही उकिया विषयय् राष्ट्रपतिपाखें ल्ह्वंगु पलाः लगायतया राजनीतिक घटनाक्रमं नेवाः देय् दबूया गम्भीर ध्यानाकर्षण जूगु दु । नेवाः देय् दबूया नायः नरेश ताम्रकारं म्हिगः छगू प्रेस विज्ञप्ति पिकासें सेनापति प्रकरणय् राष्ट्रपितं छिउगु पलाः गम्भीर संवैधानिक त्रुटि जूगु व सेनां नागरिक सर्वोच्चताया अवहेलना याःगु द्वपं बियादीगु दु । लिसें सेनापतियात याःगु कारवाही राष्ट्रिय सहमितया आधारय् जुइमाःगु खँ नं धयादीगु दु ।

विज्ञप्तिइ वृहत् शान्ति सम्झौतायात तार्किक निष्कर्षय् थ्यंकाः संघीय लोकतान्त्रिक गणतन्त्र नेपाःया आकांक्षा कथं न्हूगु संविधान दयेकेगु थातं शान्ति कायम यायेगु जनअभिमत खः धासें आःया घटनाक्रमं उगु अभिमत उल्लंघन जूगु खँ नं धयातःगु दु । वृहत् शान्ति सम्झौतायात पूर्ण रुपं पालना यानाः जनअभिमत कथं याकनं संविधान दयेकेत नं देय् दबुिलं माग याःगु दु ।