विरोधया दथुइ कांग्रेसया उम्मेदवार पौडेल

पार्टी दुने केन्द्रीय पदाधिकारीतय् विरोधया बाबजुद नेपाली कांग्रेस पाखें प्रधानमन्त्रीया उम्मेदवार रामचन्द्र पौडलेयात दयेकेगु निर्णय याःगु दु ।

कांग्रेसया थौं च्वंगु केन्द्रीय समितिया मुँज्याय् पार्टी सभापति सुशील कोइरालां पौडेलयात प्रधानमन्त्रीया उम्मेदवार दयेकेगु प्रस्ताव तयादीगु खः । कोइराला पक्षधर दुजःतय्सं उकियात समर्थन याःगु खःसां देउवा पक्षधरतय्सं कोइरालाया प्रस्तावय् विरोध याःगु खः ।

कांग्रेस नेता विमलेन्द्र निधि लगायत देउवा पक्षधर केन्द्रीय दुजःतय्सं न्हापा जूगु प्रधानमन्त्री निर्वाचनय् पौडेल झिंखुक्वः तक बुयाः पार्टीया हे बेइज्जत याःगु धासें हानं वहे मनूयात प्रधानमन्त्रीया उम्मेदवार दयेके मज्यूगु अडान यकाःगु खः । देउवा पक्षया विरोधया दथुइ हे पौडलेयात प्रधानमन्त्रीया उम्मेदवार दयेकेगु निर्णय याःगु खः ।