खनालयात मतदान यायेत एमालें ह्वीप जारी

नेकपा (एमालें) पार्टी नायः झलनाथ खनालयात प्रधानमन्त्रीया निर्वाचनय् मतदान यायेत थः सभासद्तय्त ह्वीप जारी याःगु दु ।

सिंहदरवार स्थित एमाले संसदीय दलया ज्याकूथी बुधवाः सुथय् च्वंगु संसदीय दलया मुँज्यां सभासद्तय्त ह्वीप जारी याःगु खः । मुँज्यां एमाले कन्द्रीय कमिटीं प्रधानमन्त्रीया निंतिं पार्टी पाखें खनालयात उम्मेदवार दयेकेगु निर्णयात अनुमोदन नं याःगु खः ।

ह्वीप जारी यायेधुंकाः एमाले प्रमुख सचेतक भीम आचार्यं खनालया पक्षय् मतदान यायेत मेमेगू दलत पाखें नं समर्थन जुटे यायेगु निंतिं कुतः यायेगु धयादिल ।

एमालेया म्हिग च्वंगु केन्द्रीय कमिटीया मुँज्याय् वरिष्ठ नेता केपी शर्मा ओलीं खनालया नां प्रस्ताव यानादीगु खःसा उकियात मेपिं दुजःतय्सं समर्थन याःगु खः ।