हानं प्रचण्ड हे उम्मेदवार

एकीकृत नेकपा (माओवादीं) पार्टी नायः पुष्पकमल दाहाल 'प्रचण्ड'यात हानं प्रधानमन्त्रीया उम्मेदवार दयेकेगु निर्णय याःगु दु ।

माओवादीया थौं च्वंगु स्थायी समितिया मुँज्यां प्रचण्डयात प्रधानमन्त्रीया उम्मेदवार दयेकेगु निर्णय याःगु खः । मुँज्याय् पार्टीया वरिष्ठ न्वकू मोहन वैद्य 'किरणं' प्रचण्डया नां प्रस्ताव यानादीगु खःसा मेम्ह न्वकू डा‍. बाबुराम भट्टराईं उकि समर्थन यानादीगु खः ।

थ्वस्वयां न्ह्यः बहुमतीय प्रणाली पाखें व्यवस्थापिका संसदय् जूगु निर्वाचनय् माओवादीं प्रचण्डयात हे उम्मेवादर दयेकूगु खः । उगु इलय् प्रचण्डं खुक्वः तक निर्वाचनय् ब्वति कयाः लिपा थःगु नां लितकयादीगु खः ।