क्यान इन्फोटेक सुरु

झिंन्हय्क्वःगु सूचना प्रविधि सम्बन्धी मेला क्यान इन्फोटेक मंगलवाः निसें येँय् सुरु जूगु दु । प्रधानमन्त्री माधवकुमार नेपालं मंगलवाः मेलया उलेज्या यानादीगु खः ।

कम्युटर एसोसियसन अफ नेपाल (क्यान)या ग्वसालय् जूगु प्रविधि मेलाय् कम्युटर हार्डवेयर, सफ्टवेयर, इन्टरनेट सेवा प्रदायक, मोबाइल, ल्यापटप नापं यानाः स्वसः स्वयां अप्व स्टल तयातःगु दु । न्हूगु सूचना प्रविधिया प्रवद्रधन यायेगु ताः तयाः सुरु जूगु प्रदर्शनी खुन्हु तक न्ह्याइ ।