धर्ना च्वंवंिपंत थौं नं ज्वना यंकल

येँ सन्ध्या टाइम्स÷राष्ट्रपति डा। रामवरण यादवया पलाः असंवैधानिक जूगु धासें थौं सुथय् राष्ट्रपति निवासय् धर्ना बिउ वंिपं माओवादी कार्यकर्ता व प्रहरी दथुइ ल्वापु जुयाः प्यम्ह घाःपाः जूगु दु । प्रहरीया घेरा तोडे यानाः माओवादी कार्यकर्तात न्ह्यःने वनेत स्वयेवं प्रहरीं याःगु लाठीचार्जय् लानाः छम्ह सभासद् सहित प्यम्ह घाःपाः जूगु खँ माओवादीं धाःगु दु । तर घाःपाः जूपिनि नां धाःसा सी मदुनि ।

माओवादी कार्यकर्तातय्सं राष्ट्रपति ज्याकुथी धर्ना बिउ वनेत्यंगु इलय् प्रहरी लाजिम्पाट व कान्ति अस्पतालय् उखे उमित वने मबिउगु खः । सरकारं राष्ट्रपति भवन जःखः निषेधित क्षेत्र घोषणा यानातःगु दु । अथे हे कन्हय् माओवादी सम्बद्ध बुद्धिजीवी तय्सं राष्ट्रपति ज्याकुथी धर्ना बीगु ज्याझ्वः क्वःछिनातःगु दुसा कन्हय् ५ बजे िझंन्यागुिलं निर्वाचन क्षेत्रय् कोणसभा यायेगु ज्याझ्वः नं माओवादी नेवाः राज्य समिितं दयेकातःगु दु । थौं नं जुलुसया ज्याझ्वः दु ।

अथे हे वइगु २६ गते थनया बसन्तपुली राष्ट्रपति यादवयात कयाः माओवादीं कार्टुन ब्वज्या याइगु जूगु दु ।