जनकपुरया जनजीवन ठप्प
येँ (सन्ध्या टाइम्स)/जनतान्त्रिक तराई मुक्ति मोर्चां थौं मधेस बन्द आह्वान याःगुलिं जनकपुरया जनजीवन ठप्प जूगु दु ।
बन्दया पूर्वसन्ध्याय् म्हिगः मोर्चां धनुषा व महोत्तरीया थीथी लागाय् फायरिङ नापंया जुलुस पिकाःगु खः।
जनकपुरय् च्वंगु रामसागर रामस्वरुप बहुमखी क्याम्पसया पुलांम्ह उपसभापति नापं उगु मोर्चाया नेता दीपेन्द्र झायात प्रहरीं स्याना बिउगु विरुद्धय् अथे मोर्चां बन्द आह्वान याःगु खः ।
बन्द आह्वान याःगुलिं बजाः सुनसान जूगु दुसा शैक्षिक संस्था, कलकारखाना, यातायात ठप्प हे जूगु दु। बन्दया प्रभाव धनुषा व महोत्तरीइ तकं लाःगु दु ।
