सेना व प्रहरीया ल्वापुइ खुम्ह घाःपाः
येँ (सन्ध्या टाइम्स)/भोजपुरया सदरमुकामय् वंगु चान्हय् गस्तीइ वंपिं प्रहरी व सिभिलय् वःपिं नेपाली सेनायागु पुचःया दथुइ ल्वापु जुयाः खुम्ह घाःपाः जूगु दु। वंगु चान्हय् ११ बजे सदरमुकामया बैंकरोड लागाय् प्रहरीतय्सं सेनाया जवानतय्त न्यनेकने याःबलय् भनाभन जुयाः २० मिनेत तक ल्वापु जूगु खः धकाः स्थानीय मनूतय्सं घाःगु दु ।
उगु ल्वापुइ लानाः प्रहरी सहायक निरीक्षक भीमबहादुर तामाङ, दीपक राई नापं मेमेपिं जवानत घाःपाः जूगु खः। अथे हे ल्वापुइ लानाः सिपाही योगेन्द्र श्रेष्ठ, सेनाया क्याप्टेन विदुर कुँवर, तारा गुरुङ, राम मगर नापं मेमेपिं घाःपाः जूगु खः। घाःपाः जूपिन्त अनया भोजपुर अस्पतालय् वासः याकातःगु दु ।
उगु घटनायात कयाः प्रहरी व नेपाली सेनां थःथःगु कथं अनुसन्धान न्ह्याकूगु दु ।
