सेना समायोजनयात कयाः स्वंगू दलया बैठक
येँ (सन्ध्या टाइम्स)/लडाकू समायोजन विधि व ल्याःया बारे सहलह ब्याकेत थौं स्वंगू दलया शीर्ष नेतातय्गु दथुइ बैठक च्वनीगु जूगु दु ।
माओवादीं नेपाली सेना व लडाकुया समायोजन यानाः राष्ट्रिय सेना दयेकेगु, ब्यागलं कथंया अर्धसैनिक बल गठन यायेगु, सेना प्रहरी व सशस्त्रपाखें बच्छि अले लडाकुपाखें बच्छि तयाः अर्धसैनिक बल दयेकेगु बाय् स्वंगू हे सुरक्षा निकालय् मंकाः कथं समायोजन यायेगु विकल्प तया वयाच्वंगु खः। तर कांग्रेस व एमालें माओवादीया व प्यंगू हे विकल्पयात अस्वीकार याना वयाच्वंगु खः। इमिसं सुरक्षा निकाययात स्थापित मापदण्डया आधारय् लडाकू समायोजन यायेगु धया वयाच्वंगु दु। थौं स्वंगू दलया शीर्ष नेतातय्गु दथुइ सनिलय् थ्व हे विषयसं सहलह जुइ धाःगु दु ।
