विकल्प माः: यमि
येँ (सन्ध्या टाइम्स)/एनेकपा (माओवादी) या पोलिटब्युरो दुजः हिसिला यमिं प्रधानमन्त्रीया उम्मेदवार जुइगु लागिं पार्टीं आः अध्यक्ष प्रचण्डया विकल्प मालीगु खँ धयादीगु दु। म्हिगः येँय् जूगु छगू अन्तर्क्रिया ज्याझ्वलय् न्ववासें वय्कलं थ्व खँ धयादीगु खः ।
आः प्रधानमन्त्रीया उम्मेदवार कथं फुक्कं पार्टीं छम्ह मखु स्वम्ह मनूया नां बीमाः धासें वय्कलं माओवादी पार्टी दुने थौंकन्हय् अध्यक्ष प्रचण्ड बाहेक उपाध्यक्ष डा. बाबुराम भट्टराई व महासचिव रामबहादुर थापा (बादल)या नां वयाच्वंगु जानकारी नं बियादिल। पार्टीतय्सं विकल्प मबिउगु कारणं यानाः हे आः प्रधानमन्त्री ल्ययेगु ज्याय् समस्या वयाच्वंगु बिचाः नं मय्जु यमिं प्वंकादिल ।
